Alba Pollozhani nuk po e mban më gjuhën pas daljes nga shtëpia më e famshme në Kosovë dhe po godet ashpër të gjithë ata që po e akuzojnë për përdorim të telefonit brenda Big Brother VIP Kosova 4.
Ish-banorja ka shpërthyer në rrjetet sociale duke i quajtur këto thashetheme si ofendime të rënda ndaj inteligjencës dhe strategjisë së saj të lojës.
Me një ton të prerë dhe plot ironi, Alba argumenton se nëse do të kishte vërtet akses në botën e jashtme, do ta dinte saktësisht mbështetjen e publikut dhe nuk do të lejonte kurrsesi që të tjerët të dilnin mirë në kurrizin e saj gjatë spektakleve të Prime-it. Ajo shton se nuk ka pasur asnjëherë nevojë për hile në rrugëtimin e saj, duke qenë e mbushur me besim të plotë dhe energji për atë që i ka rezervuar fati.
Por drama nuk mbaron aspak me kaq, pasi ajo ka hedhur kunja të forta drejt ish-banorëve të tjerë duke i akuzuar hapur se kanë shitur shpirtin dhe janë bërë tapet vetëm e vetëm për pak famë dhe para.
Deklarata e saj përfundon me një mesazh shumë të qartë për të gjithë ata që sipas saj kanë humbur fytyrën para Zotit dhe familjeve të tyre. /Prive By Liberta Spahiu
