Një natë e paharrueshme u zhvillua mbrëmë në Sallën “1 Tetori” në Prishtinë, ku këngëtari i dashur, Alban Skënderaj, solli koncertin e tij madhështor.
Me mijëra fansa të pranishëm, salla u mbush plot, duke konfirmuar edhe një herë dashurinë e madhe që publiku kosovar ka për artistin.
Koncerti shënoi një fillim spektakolar, duke ofruar një mbrëmje të mbushur plot emocion dhe muzikë.
Atmosfera ishte thjesht magjike. Të pranishmit shijuan tingujt e Albant Skënderajt, i cili interpretoi disa nga hitet më të dashura të karrierës së tij.
Energjia mes publikut dhe artistit ishte e jashtëzakonshme, duke e kthyer Sallën “1 Tetori” në një vend festimi dhe harmonie.
Vetë artisti, në një postim pas koncertit, shkroi: “Prishtinë, çfarë fillimi! Një natë e paharrueshme! Faleminderit për çdo emocion.”
View this post on Instagram
Ky event dëshmoi se Alban Skënderaj mbetet një emër kyç në skenën muzikore shqiptare, duke ofruar gjithmonë performanca që prekin zemrat e fansave. Koncerti i mbrëmshëm ishte më shumë se një shfaqje; ishte një eksperiencë e plotë muzikore që do të mbahet mend gjatë.
Koncerti ‘Motiv’ do vazhdojë sonte dhe dy netë të tjera plot magji në sallën ‘1 Tetori’. /Prive By Liberta Spahiu
@selvianathephotographer Ky njeri definitivisht ka vendos standarde n’muziken shqipe #albanskenderaj #albanskenderajofficial #fürdich #albtiktok ♬ original sound – Selvianë📸 
