Antigonë Ramosaj ka treguar edhe një herë se forca e vërtetë buron nga shpirti dhe dëshira për jetën.
Përmes disa postimeve të fundit në llogarinë e saj në Instagram, ajo ka ndarë me ndjekësit momente nga sfida e saj shëndetësore, duke dëshmuar një vullnet të palëkundur.
Në fotot e publikuara nga spitali, Antigona shihet e shtrirë duke marrë ciklin e dytë të kimoterapisë. Edhe në këtë situatë të vështirë, ajo nuk e ka humbur pozitivitetin.
Krahas fotos ku shfaqen pajisjet mjekësore dhe një produkt aromaterapie për lehtësimin e efekteve anësore, ajo ka shkruar:
“Kimo nr 2”, shoqëruar me emoji të forcës dhe zemrave.
Në një tjetër postim në orët e para të mëngjesit, ajo shfaqet duke përdorur doreza dhe çorape të specializuara (Relief Genius) për të menaxhuar të ftohtit, një efekt i njohur i trajtimeve të tilla.
“Ora 5 e mjejsit” dhe “Dita 50 kimo 2”, janë shënimet që tregojnë disiplinën dhe qëndresën e saj në këtë rrugëtim.
Vetëm një ditë më parë, Antigona kishte postuar video nga palestra, duke treguar se asgjë nuk e ndalon atë të kujdeset për veten.
Mesazhi i saj është i qartë: aktiviteti fizik dhe kujdesi për veten janë jetikë, pavarësisht sfidave.
Antigona po dëshmon se lufta për shëndetin fitohet me buzëqeshje dhe vullnet të hekurt.
