Këngëtari i njohur Arian Agushi, i njohur si Gold AG, ka ndarë një moment tejet të veçantë në jetën e tij – lindjen e vajzës së tij, fëmija i tretë në familje. Në një status të gjatë plot ndjenja në Facebook, ai shkruan:
“Falenderimi i takon Allahut, Krijuesit të qiellit dhe tokës… që sot prap na furnizoi e na gëzoi me një dhuratë të çmueshme, me një vajzë.”
Pas dy djemve, Guerilit dhe Frontit, çifti u bekua me një vajzë, të cilës Agushi i vendosi një emër domethënës: Emblema.
“Çika e babit o gëzimi jonë, babi emrin po ta lo EMBLEMA, ruje dhe duje dhe dije që je gjë e çmuar dhe e paprekshme si emblema me tri shkronjat e arta,” shkruan ai, duke i dhënë edhe një mesazh të fortë trashëgimie dhe krenarie.
Një tjetër detaj prekës është fakti se Emblema ka lindur në të njëjtën datë me gjyshin e saj të ndjerë, për të cilin Gold AG thotë:
“Emblema e babit me këtë datë lindi edhe gjyshi yt që ti nuk e ke në këtë botë, por kur të rritesh do ta kuptosh se sa e deshi këtë flamur që ja jep hijeshinë emblemsë.”
Në përmbyllje, këngëtari i emocionuar falënderon Zotin:
“Qofshim krenar me ty e mira e babit. Faleminderit o Zot ❤️ për të mirat e Tua të pafundme.”
Emri Emblema, i ngarkuar me simbolikë dhe mesazh, vjen si një vijim i linjës patriotike dhe shpirtërore që Gold AG ka ndjekur në jetën dhe artin e tij.
/Prive By Liberta Spahiu.
