Këngëtari i njohur Art Abazi po përgatitet për të sjellë dy koncerte të veçanta në dy kryeqytetet shqiptare – Prishtinë dhe Tiranë – ku do të dominojë muzika me përmbajtje dhe emocion të pastër artistik.
Sipas burimeve për “Prive By Liberta Spahiu”, njëri nga koncertet do të mbahet në Prishtinë, në një nga ambientet më simbolike të qytetit – ose në Bibliotekën Kombëtare, ose në amfiteatrin e Gërmisë, ndërsa koncerti tjetër do të zhvillohet në Tiranë.
Data dhe vendndodhja zyrtare pritet të konfirmohen së shpejti, ndërkohë që vetë Art Abazi po kujdeset që këto net muzikore të jenë larg klisheve komerciale dhe t’i dedikohen atyre që kërkojnë muzikë me vlera dhe shpirt.
Një rikthim i shumëpritur për adhuruesit e muzikës autentike shqiptare. /Prive By Liberta Spahiu.
