Pak kohë më parë, këngëtari Art Abazi la të kuptohej përmes postimeve të tij në rrjete sociale se zemra e tij nuk është më e lirë. Mes rreshtave e mes fotove, ai e bëri të qartë se është duke shijuar një romancë të re që tashmë ka marrë hov.
E duket se kjo histori po ecën mjaft mirë, pasi çifti ka vendosur të nisë edhe pushimet e para së bashku. Në një selfie të ngrohtë e të natyrshme, Art Abazi shihet i relaksuar nën diell, teksa krahas partneres së tij reflektojnë qetësi dhe lumturi.
Megjithëse identiteti i vajzës ende nuk është bërë publik, ajo që vihet re pa dyshim është kimia mes tyre. Fytyrat e qeshura, afërsia dhe atmosfera e ngrohtë e momentit flasin më shumë se çdo status apo deklaratë.
Duket qartë se Arti është në një periudhë të bukur të jetës, duke përjetuar ditët më të mira të një romance që sapo ka nisur, por që tashmë po lë gjurmët e veta të para publike. /Prive By Liberta Spahiu
