Një ngjarje e rëndë i ka ndodhur ditën e sotme familjes së personazhit të njohur të TikTok-ut, Kozak Braçi. Bashkëshortja e tij, Denisa, e cila është në pritje të ëmbël të fëmijës së tyre të dytë, është përfshirë në një aksident automobilistik.
Sipas Kozakut, Denisa është përplasur nga një mjet tjetër ndërsa ndodhet vetëm një muaj larg lindjes. Ajo është transportuar me urgjencë në spitalin e Lezhës, por situata aty ka eskaluar në një konflikt të ashpër mes tiktokerit dhe stafit mjekësor.
Përmes një reagimi të fortë në rrjetet sociale, ku ka publikuar edhe pamjet e makinës së shkatërruar në rrugë, Kozaku ka denoncuar publikisht mjekët. Ai pretendon se bluzat e bardha nuk i kanë ofruar shërbimin e duhur gruas së tij, duke refuzuar t’i bëjnë skaner me justifikimin e shtatzënisë dhe duke e vlerësuar gjendjen e saj vetëm me “sy”.
Më rëndë akoma, Kozaku hedh dyshime të forta për korrupsion, duke aluduar se mjekët janë paguar për të manipuluar letrat e aksidentit.
“Ma kanë përplasur gruan bashkë me fëmijën që lind për një muaj. Janë në spital të Lezhës. Normal, shkova atje u zura, se depresion o vëlla. Stres i paparë,” shprehet Kozaku i revoltuar.
Ai vazhdon me akuza direkte ndaj mjekut të turnit: “E kam me këta doktorat që kanë marrë lekë me manipulu letrat. Gruaja ime është me barrelë, në gjendje të rëndë. Kanë thënë s’ka gjë… Keni dëgjuar skaner me sy tek spitali i Lezhës? Do ndiqesh penalisht. Ma gjeni emrin e doktorit… S’ke gjë i ke thënë, je në rregull. Nuk të fus dot në skaner se je shtatzënë.”
Kozaku ka paralajmëruar se do ta ndjekë çështjen ligjërisht deri në fund, duke kërkuar emrin e mjekut për ta denoncuar. Gjendja shëndetësore e Denisës dhe foshnjës mbetet ende për t’u konfirmuar pas kësaj situate kaotike por duket se fatmirësisht po përmirësohet. /Prive By Liberta Spahiu
