Lajme të bukura dhe plot emocione vijnë nga Beart Rexhepi. Duket se ai dhe partnerja e tij gjermane kanë vendosur të zgjerojnë familjen e tyre dhe nuk mund të ishin më të lumtur se kaq. Pas ardhjes në jetë të vajzës së tyre të parë në vitin 2023, e cila i dha një kuptim tërësisht të ri jetës së çiftit, dyshja tashmë ka ndarë me ndjekësit një tjetër ngjarje të madhe. Ata janë sërish në pritje të ëmbël dhe kësaj radhe, do të bëhen prindër të një djali.
Përmes një feste të organizuar enkas për të zbuluar gjininë e bebit, çifti ndau gëzimin me të gjithë. Në pamjet që kanë qarkulluar dhe që kanë tërhequr menjëherë vëmendjen, buzëqeshjet flasin vetë. Momenti i shumëpritur kur ngjyra blu mori vëmendjen kryesore në festë, shkaktoi një reagim tejet entuziast nga dyshja. Ky zhvillim i ri konfirmon sërish jetën e qëndrueshme dhe tejet të lumtur që ish-protagonisti i televizionit ka ndërtuar me partneren e tij pas tërheqjes nga jeta publike e zhurmshme në Kosovë dhe Shqipëri.
Tashmë, me një vajzë dhe një djalë në rrugë e sipër, tabloja e familjes së tyre duket e plotë dhe mjaft e bukur.
Me mbarësi! /Prive By Liberta Spahiu
