Dy prej zërave më të fuqishëm të muzikës shqiptare, Albina Kelmendi dhe Aurela Gaçe, u bashkuan në një performancë që la publikun pa fjalë.
Në skenën e “AG SHOW”, ato sollën këngën e njohur “Hajredin Pasha”, duke e kthyer interpretimin në një përjetim drithërues.
Energjia e Aurelës dhe fuqia vokale e Albinës u shkrinë në një harmoni të veçantë, duke i dhënë këngës një dimension të ri. Publiku i pranishëm reagoi me duartrokitje të forta, ndërsa komentet në rrjetet sociale vërshuan me lavde për këtë bashkëpunim tejet të pëlqyer.
Performanca nuk mbeti vetëm në sallë: videoja e interpretimit është bërë virale në rrjetet sociale, duke marrë mijëra shpërndarje dhe komente entuziaste.
Fansat i kanë quajtur Albina dhe Aurela “dy luanesha të skenës” që dinë si të përcjellin emocione të fuqishme.
Ky moment u cilësua si një nga më emocionuesit e mbrëmjes, duke treguar se kur dy artiste të mëdha bashkojnë forcat, rezultati është gjithmonë spektakolar. /Prive By Liberta Spahiu
