Çifti i njohur David dhe Victoria Beckham kanë treguar edhe një herë anën e tyre plot humor dhe dashuri familjare.
Victoria Beckham, ka publikuar në Instagram disa video ku shfaqet bashkëshorti i saj, ish-futbollisti i njohur David Beckham, teksa përgatit një darkë tradicionale të së dielës për familjen dhe prindërit e tyre.
Në videon e parë, David dëgjohet duke thënë:
“Po përgatis një darkë të dielës për kur të mbërrijnë prindërit tanë pas disa orësh. Duhet të jenë shumë të lumtur për këtë.”
Kur Victoria e pyet me të qeshur nëse ka nevojë për ndihmë, ai i kthehet me një ton plot shaka:
“Nga kush?”
Ajo i përgjigjet: “Nga unë, sigurisht.”
Por David i thotë me të qeshur:
“Absolutisht jo. Rri larg!”
E habitur, Victoria e pyet: “Pse, çfarë do të thotë ‘rri larg’?”
Ndërsa Beckham ia kthen menjëherë me batutë:
“Zemër, ne nuk po bëjmë një tost me proshutë dhe djathë!”
Pasi e ngacmon për disa sekonda, ai shton me butësi:
“Ne të duam.”
Në fund, Victoria ndau edhe një foto familjare të ngrohtë, ku shihen prindërit e çiftit dhe vajza e tyre Harper, 14 vjeçe, duke shijuar së bashku darkën në tryezën e madhe familjare.
Çifti Beckham tregoi edhe një herë se edhe pas më shumë se dy dekadash bashkë, dinë ta ruajnë magjinë e marrëdhënies së tyre me të qeshura dhe përkushtim. /Prive By Liberta Spahiu
