Banorja e Big Brother VIP Kosova, Benita Zena, ka bërë sot një kërkesë të papritur që ka habitur ndjekësit e formatit. Teksa qëndronte në oborrin e shtëpisë, ajo i ka kërkuar “Vëllait të Madh” të lëshojë muzikën e Endrit, konkretisht hitin e tij “Bora e Janarit”.
Kjo kërkesë konsiderohet befasuese duke marrë parasysh historinë e tyre, pasi Endri ka qenë i ftuar si surprizë për ditëlindjen e saj dhe dyshja kanë pasur një lidhje dashurie që ka përfunduar jashtë.
Ky veprim i Benitës vjen në një moment kur ajo është në qendër të thashethemeve për pëlqimin e saj ndaj Klodit.
Kujtojmë se gjatë dasmës për ‘show’ mes Elijona-s dhe Klodit, Benita e përjetoi rëndë situatën duke refuzuar fillimisht pjesëmarrjen, por në fund u shfaq me një fustan madhështor të dizajnuar nga Valdrin Sahiti.
Fustani i saj i mbushur me kristale dhe pelerina e bardhë u komentua gjatë si një “revenge dress” (fustan hakmarrjeje) ndaj nuses, duke u bërë veshja më e diskutuar e asaj mbrëmjeje.
Kjo kërkesë e fundit për këngën e ish-partnerit ngre dyshime të reja.
A po tenton Benita të dërgojë një mesazh jashtë, apo është kjo një tjetër lëvizje brenda lojës së saj plot trazira?
Mbetet të shihet se si do të reagojë Klodi dhe banorët e tjerë pas këtij veprimi. /Prive By Liberta Spahiu
View this post on Instagram
