Blero Muharremi, një nga emrat më të njohur të muzikës shqiptare, nga sot ka hapur një kapitull të ri në karrierën e tij – atë të menaxherit sportiv.
Ai ka marrë nën menaxhim futbollistin e ri dhe premtues Enis Berisha, duke hyrë kështu në botën e futbollit profesionist me hapa të sigurt.
Enisi është bërë pjesë e MarsProAgency dhe tashmë është lojtar i klubit kroat Slaven Belupo, që garon në Superligën e Kroacisë. Ky transferim është rezultat i punës së palodhshme të Bleros dhe ekipit të tij, duke hapur rrugë për një mundësi të madhe në arenën ndërkombëtare.
Në këtë proces, një rol të rëndësishëm ka pasur edhe bashkëpunimi me FC Prishtinën, për të cilin Blero është shprehur mirënjohës, duke vlerësuar korrektësinë e tyre në të gjitha hapat pa harruar shkollën e futbollit Kurda të cilën Blero poashtu e falënderon.
Kontrata e lojtarit pritet të përfundojë javën e ardhshme, ndërsa ai tashmë ndodhet në Kroaci, i regjistruar dhe gati për të nisur rrugëtimin e tij me Slaven Belupo. Përveç angazhimit në klubin e ri, Enisi është pjesë e përfaqësueses U19 të Kosovës dhe konsiderohet si një nga talentet më të mëdhenj të brezit të tij.
Ky është vetëm fillimi i një rruge të re – për Enisin në fushën e futbollit dhe për Bleron në menaxhimin sportiv – një kapitull që pritet të sjellë arritje të rëndësishme dhe histori suksesi.
View this post on Instagram
