Largimi i papritur i Alba Pollozhanit nga shtëpia e Big Brother VIP Kosova mbrëmjen e djeshme ka shkaktuar reagime të shumta në rrjetet sociale. Një nga mbështetësit më të zëshëm të saj, Ylli Dreshaj, ka publikuar një mesazh prekës dhe mbështetës, duke e cilësuar vendimin e saj si një akt pjekurie dhe vetëkontrolli.
Kritika ndaj “manipulimeve” dhe montazhit
Në reagimin e tij, Ylli nuk ka kursyer kritikat ndaj mënyrës se si është trajtuar Alba brenda shtëpisë. Ai pretendon se gjatë gjithë kohës ka pasur tentativa për të manipuluar situatat kundër saj.
“Të gjithë ata që u munduan të manipulojnë situatat ndaj teje gjatë gjithë kohës, duke të shfrytëzuar në çdo mënyrë,” shkruan ai, duke lënë të kuptohet se Albës i është bërë e padrejtë në pasqyrimin e lojës.
Mbështetje për vendimin e largimit
Sipas Yllit, vendimi i Albës për të lënë garën pikërisht mbrëmë ishte “lëvizja më e duhur”. Ai thekson se ajo nuk lejoi askënd të luante me figurën e saj dhe se pranoi të largohej me dinjitet, pavarësisht pritshmërive të të tjerëve që ajo të “thyhej” apo të dilte më parë.
“Kryevepra e këtij Big Brother”
Në mbyllje të mesazhit të tij, Dreshaj e lartëson figurën e Alba Pollozhanit duke e quajtur atë elementin kyç të këtij edicioni. Ai e mbyll reagimin me fjalët:
“Ti ishe kryevepra dhe kryefjala e këtij Big Brother”, duke i dhënë kështu një mesazh të fuqishëm vlerësimi për rrugëtimin e saj në këtë format televiziv.
Largimi i Albës erdhi pas natës Prime ku ajo bëri kërkesën të mbulohet me shami sipas ritualeve myslimane. /Prive By Liberta Spahiu
