Moderatorja e njohur dhe ish-Miss Kosova, Eriona Sejdiu, ka festuar ditëlindjen e parë të djalit të saj, Aronit, me një organizim madhështor që u mbajt mbrëmë në një ambient luksoz, të dekoruar deri në detajin më të vogël.
Tavolinat e shtruara me finesë, lulet e bardha, kandilat kristal dhe detajet festive e shndërruan vendin në një atmosferë përrallore. Të ftuarit ishin të shumtë dhe pjesëmarrja e tyre i dha edhe më shumë gjallëri mbrëmjes, e cila u komentua gjerësisht në rrjetet sociale.
Vërehej mungesa e Festës e cila duket se po shijon pushimet në jug të Shqipërisë dhe e kishte të pamundur prezencën shkaku i këtij detaji.
Një nga momentet më të veçanta të festës ishte hyrja e prindërve me vogëlushin Aron, e shoqëruar me këngën tashmë megavirale të Irkenc Hykës – “Dasma”, me vargjet e njohura “Moj e lumja unë, ç’paska rritur nena”. Ky detaj rikrijoi atmosferën e paharruar të dasmës së Erionës.
Dekori ishte i kuruar me shumë shije, me balona në nuanca pastel, lule të freskëta, kukulla të mëdha argëtuese për fëmijët dhe një tortë gjigante të personalizuar, që u bë kulmi i festës.
Eriona, e veshur me një fustan elegant ngjyrë ari, u shfaq përkrah bashkëshortit dhe djalit të saj, duke tërhequr vëmendjen me thjeshtësinë dhe shkëlqimin që e karakterizon.
Kjo ditëlindje e parë e Aronit mbetet një ngjarje e paharrueshme për familjen dhe të ftuarit, duke shënuar një tjetër moment të veçantë në jetën e moderatores së njohur. /Prive By Liberta
