Raundi i parë i garës prestigjioze “Shteti më i Fuqishëm i Vitit” (The Country’s Power of the Year) ka përfunduar dhe emrat e TOP 20 vendeve finaliste janë shpallur zyrtarisht nga Miss Grand International!
Dhe, pa asnjë dyshim, Kosova dhe përfaqësuesja jonë Brikena Selmani janë mes tyre!
Pas dy ditësh votimesh intensive, më 8–9 Tetor, ku mijëra mbështetës nga mbarë bota u angazhuan në platformat zyrtare të Miss Grand International në Facebook dhe Instagram, vetëm 20 vende arritën të siguronin një vend në fazën e radhës.
Finalistet e raundit të parë janë:
Miss Grand Filipinet
Miss Grand Tajlanda
Miss Grand Guatemala
Miss Grand Meksika
Miss Grand Peruja
Miss Grand Malajzia
Miss Grand Kolumbia
Miss Grand Paraguai
Miss Grand Indonezia
Miss Grand Ekuadori
Miss Grand Brazili
Miss Grand Kosova
Miss Grand Vietnami
Miss Grand Bolivia
Miss Grand Spanja
Miss Grand Venezuela
Miss Grand Myanmari
Miss Grand Tanzania
Miss Grand Republika Çeke
Miss Grand Republika Dominikane
Emri i Brikena Selmanit tashmë është bërë i njohur në të gjitha rrjetet sociale. Me paraqitjen e saj mahnitëse, qëndrimin karizmatik dhe elegancën që e karakterizon, ajo është bërë virale, duke fituar zemrat e publikut, jo vetëm nga Kosova, por edhe nga shumë vende të tjera.
Për shumëkënd, ajo është frymëzim, një përfaqësuese dinjitoze e bukurisë. Komentet pozitive, ndarjet masive të fotove dhe videove të saj, si dhe dashuria që po merr nga të gjithë anët e botës, kanë bërë që të krijohet një entuziazëm i madh që Brikena të arrijë deri në TOP 5 — dhe pse jo, të sjellë për herë të parë një kurorë ndërkombëtare në shtëpi!
Urime të gjitha konkurrenteve, dhe veçanërisht Brikena Selmanit, që po e përfaqëson Kosovën me dinjitet.
Së shpejti priten rezultatet e raundit të dytë të votimit. /Prive By Liberta Spahiu
View this post on Instagram
