Ish-banorja e Big Brother VIP Kosova 2, Brikenda Karricaj, ka befasuar ndjekësit e saj pasditen e sotme me një postim emocionues në Instagram. Këngëtarja ka ndarë një fragment nga një projekt muzikor, për të cilin ka treguar se ka një histori të veçantë dhe personale.
Në videon e publikuar, ku Brikenda shfaqet tejet elegante me një fustan të bardhë dhe doreza, ajo zbulon se kjo këngë kishte nisur kohë më parë, por nuk ishte finalizuar kurrë për publikun.
“Po ndaj me ju një pjesë nga një këngë që u nis, por mbeti rrugës. Një këngë që e dua shumë dhe që për një kohë të gjatë e mbajta vetëm për vete,” – ka shkruar ajo krahas videos.
Brikenda e ka lënë vendimin në dorën e fansave, duke i pyetur hapur: “Mendoni se duhet ta publikoj?”
Reagimet nuk kanë vonuar nga miqtë dhe ndjekësit. Ish-banorja tjetër e BBVK, Kader Kicaj, i ka dhënë mbështetje maksimale me disa komente rresht, duke e duartrokitur nismën e saj.
Mbetet të shihet nëse Brikenda do të vendosë ta rikthejë këtë projekt “të lënë rrugës” dhe ta kthejë në hitin e saj të radhës, pas kësaj pritjeje të ngrohtë nga publiku. /Prive By Liberta Spahiu
