Reperja e njohur amerikane Cardi B ka folur hapur në një transmetim live në Instagram, duke shprehur frustrimin e saj për rritjen e çmimeve të qirave në New York, veçanërisht në Bronx, lagjen ku ajo është rritur.
Në videon e saj, Cardi tregoi se po përpiqej të ndihmonte një mik të gjente apartament, por mbeti e habitur nga shifrat që pa në internet.
“U futa në StreetEasy për të parë apartamente në Bronx dhe u trondita! Si ka mundësi që qiratë janë kaq të larta në lagjen më të lirë të New York-ut?”, u shpreh ajo me ton ironik.
Më pas, reperja kërkoi falje ndaj fansave, duke thënë se ndjehet keq që u ka kërkuar të blejnë albumin e saj të fundit “Am I the Drama?” në një periudhë të tillë ekonomike.
“Nuk e di si po mbijetojnë njerëzit. Më vjen shumë keq që u kërkova ta blini albumin tim, kur ekonomia është kaq e vështirë dhe qiratë janë të çmendura, madje edhe në Bronx. Më vjen sinqerisht keq,” – tha ajo.
Cardi nuk la pa përmendur as administratën aktuale të Presidentit Trump, duke e kritikuar për mënyrën si po trajton krizën e kostos së jetesës në SHBA.
“E di që nëse i thua diçka administratës së Trump për çmimet e larta, do të të përgjigjen ‘Po mirë, duroje’. Ajo që më pengon më shumë është që ka shumë njerëz që punojnë çdo ditë, studentë e prindër të vetëm, dhe për shkak se punojnë, nuk marrin asnjë ndihmë nga shteti. Kjo më ka bezdisur gjithmonë,” – shtoi reperja.
Gjatë po të njëjtit transmetim, Cardi B foli edhe për këngën e saj “Pretty & Petty”, që është një diss ndaj reperes BIA, duke thënë se kishte menduar të publikonte një video në Instagram për të, por hoqi dorë sepse nuk donte të dukej si “bullie”.
“Qiratë janë shumë të larta, ekonomia është e çmendur dhe njerëzit mezi po ia dalin – kjo është realiteti,”përfundoi ajo. /Prive By Liberta Spahiu
View this post on Instagram
