Pas muajsh të tërë thashethemesh dhe aludimesh në mediat rozë, aktorja e njohur turke Cemre Baysel dhe piloti i garave, Cem Bölükbaşı, kanë konfirmuar më në fund lidhjen e tyre. Ky lajm i shumëpritur erdhi përmes një videoje të ndarë në rrjetet sociale, duke i dhënë fund kureshtjes së miliona ndjekësve.
Konfirmimi u bë përmes disa videove (reels) të shkurtra në Instagram, të realizuara gjatë një udhëtimi të fundit të çiftit në Londër. Në këto pamje, dyshja shfaqet në momente mjaft spontane dhe të qeta, larg pozave të studiuara. Ata janë parë duke qeshur dhe duke shijuar kohën së bashku, të veshur thjesht, gjë që është vlerësuar lart nga fansat për natyrshmërinë dhe kiminë e tyre.
Zërat për një romancë mes tyre kishin nisur që gjatë vitit 2025. Në fund të dhjetorit të kaluar, ata u fotografuan së bashku në një restorant në Stamboll, moment që u cilësua nga mediat turke si “bomba e fundit e dashurisë për vitin”. Megjithatë, deri në postimin e fundit nga Londra, asnjëri prej tyre nuk kishte dhënë asnjë deklaratë zyrtare.
Lajmi u përhap me shpejtësi në të gjitha platformat digjitale në Turqi. Publiku ka vlerësuar faktin që çifti zgjodhi të tregonte anën e tyre njerëzore dhe “të jetuarit e momentit”, duke mos u fokusuar te pompoziteti. Cemre Baysel është një nga aktoret më të dashura për publikun shqiptar falë roleve të saj në seriale, ndërsa Cem Bölükbaşı gëzon famë ndërkombëtare si një pilot i suksesshëm në kampionatet e motorsportit.
View this post on Instagram
