Këngëtarja Tayna ka zgjedhur sërish heshtjen për të tërhequr vëmendjen e publikut. Së fundmi, ajo ka publikuar një story nga studio muzikore, ku shihet duke punuar intensivisht, pa dhënë asnjë detaj konkret rreth projektit që po përgatit.
Megjithatë, mbishkrimi i saj ka mjaftuar për të ngritur kureshtjen e ndjekësve:
“E dini ju çka ndodh kur unë jam n’heshtje 👋🏼”
Pa paralajmërime, pa data dhe pa shpjegime shtesë, kjo lëvizje ka nxitur reagime të shumta në rrjete sociale. Fansat kanë filluar menjëherë të spekulojnë se Tayna mund të jetë në prag të publikimit të një kënge të re apo një projekti surprizë.
Edhe pse karrierën e saj muzikore e nisi në rep, Tayna sot ka ndërtuar një identitet që shkon përtej një zhanri të vetëm. Me stil, prezencë dhe strategji të menduar mirë, ajo vazhdon të mbetet një nga emrat më të komentuar në skenën muzikore.
Një gjë është e sigurt: sa herë Tayna zgjedh të heshtë, zakonisht pason një lëvizje që nuk kalon pa u vërejtur. /Prive By Liberta Spahiu
