Gazetari Elton Tozaj, njëkohësisht mik i afërt i Lim Hotit, ka folur për Prive by Liberta Spahiu, për të zbardhur detaje të pathëna mbi jetën private të ish-konkurrentit të “Ferma VIP”.
Tozaj u ndal gjerësisht te marrëdhëniet e Limit me dy vajzat e njohura të ekranit, Albën dhe Dolcen, duke treguar se si qëndron e vërteta larg kamerave.
Sipas gazetarit, lidhja mes Limit dhe Albës pas përfundimit të “Ferma VIP” ka zgjatur vetëm pak ditë. Tozaj u shpreh se sapo dolën nga formati, u kuptua që dashuria ishte një ndjenjë e ushqyer kryesisht nga ana e Albës, ndërsa Limi kishte qëndruar neutral në këtë pjesë. Ai hodhi poshtë edhe thashethemet për bashkëjetesë, duke sqaruar se ata kanë qëndruar bashkë vetëm për një periudhë njëjavore në shtëpinë e Limit dhe më pas kanë ndarë rrugët përfundimisht.
Ai theksoi se Limi nuk kërkon lidhje serioze, detyrime apo përgjegjësi ndaj personave të tjerë, pasi vëmendja e tij kryesore mbetet vetëm te familja e tij.
Sa i përket romancës brenda “Big Brother VIP Kosova” me Dolcen, gazetari Tozaj foli edhe për pjesën që u komentua gjerësishr jashtë shtëpisë.
Ai i dha fund spekulimeve se a janë takuar Dolce dhe Limi para se të futeshin në BBVK.
Tozaj zbuloi se dyshja kishin folur para hyrjes në format, por nuk ishin takuar asnjëherë jashtë. Sipas mikut të tij, Limi e gjen veten te Dolce sepse ajo është një personazh i ngjashëm me të, duke lënë të kuptohet se kjo ngjashmëri karakteresh ka bërë që ata të afrohen kaq shpejt brenda shtëpisë. /Prive By Liberta Spahiu
