Hyrja e këngëtares Fjolla Morina mbrëmjen e së hënës në shtëpinë e Big Brother VIP Kosova u prit me bujë të madhe, duke ngjallur pritshmëri për dinamika të forta brenda shtëpisë më të famshme.
Mirëpo, gjatë pasdites dhe mbrëmjes së djeshme, ndjekësit e rregullt të formatit 24/7 vunë re diçka të pazakontë.
Për orë të tëra, Fjolla nuk u pa në asnjë nga kamerat e transmetimit, situatë kjo që nxiti menjëherë pyetje dhe konfuzion tek fansat e saj të shumtë në rrjete sociale.
Për t’i dhënë fund aludimeve, ka ardhur një reagim zyrtar nga llogaria e saj në Instagram, e cila aktualisht menaxhohet nga stafi i saj i besuar.
Përmes një postimi ku shfaqet këngëtarja duke fjetur në dhomën e gjumit, është sqaruar se mungesa e saj në ekran lidhet thjesht me nevojën për pushim.
“Mos u bëni merak, Fjolla po pushon. Po mbledh energji që t’ju jap spektakël, ashtu siç di ajo më së miri. Natën,” shkruhet në njoftimin zyrtar.
Duket se këngëtarja po karikon bateritë për të qenë në formën e saj maksimale në ditët në vijim. /Prive By Liberta Spahiu
