Rrugëtimi i Mateo Borrit në Big Brother VIP po kthehet në një nga më të komentuarit, sidomos pas afrimitetit të tij të ndjerë me Brikenën.
Së fundmi, motra e tij, Kejsi Borri, e ftuar në Top Albania Radio, ka folur hapur për gjithçka që po ndodh brenda shtëpisë, duke sqaruar një herë e mirë pozicionin e familjes.
Kejsi sqaroi se i vetmi irritim i saj kishte të bënte me termin “mashtrues” që u përdor ndaj vëllait të saj, duke theksuar se në asnjë moment nuk ka folur keq për Brikenën.
Ajo u shpreh se po të mos i pëlqente ky afrimitet, nuk do të kishte postuar as atë “story” ku dyshja shiheshin duke fjetur dorë për dore me mbishkrimin “Naten e mirë vetëm për vëllain tim dhe Brikin”.
Përkundrazi, Kejsi tha se i vjen mirë që vëllai i saj ka gjetur një mbështetje aq të madhe brenda shtëpisë.
E pyetur se çfarë mendon mami i Mateos për nusen ideale dhe a mund të jetë Brikena ajo, Kejsi tregoi se familja ka besim të plotë te zgjedhjet e tij.
Sipas saj, mami i tyre nuk ka një profil fiks për “nusen ideale”, por nëse Mateo e zgjedh Brikenën, ajo do të pranohet pasi ai është edukuar për të bërë zgjedhje të mira në jetë.
Kejsi veçoi edhe gjestin e Brikenës gjatë sfidës së buxhetit, kur ajo u kujdes t’i vendoste përparësen Mateos para se të vendoste të sajën, duke e cilësuar si një veprim shumë të këndshëm.
Sa i përket dyshimeve nëse ky raport është për lojë, motra e banorit u shpreh e bindur se asgjë nuk është e sforcuar; sipas saj, të dy po vazhdojnë lojën e tyre individualisht, por duke gjetur ngrohtësi te njëri-tjetri.
Një detaj që vulos këtë mbështetje është edhe fakti se profilet e tyre në Instagram, që menaxhohen nga familjarët, kanë nisur tashmë të ndiqen reciprokisht. /Prive By Liberta Spahiu
@shesonair_tar “Brikena nuse ideale, e pëlqen dhe mami!”/ Motra e Mateos flet troç: Vetëm natën… @Top Albania Radio #sheisonair #topalbaniaradio ♬ original sound – shesonair_tar 
