Sot është një ditë e veçantë për reperin e njohur shqiptar Cozman, i cili feston ditëlindjen. Në mesin e urimeve të shumta që ka marrë, më i veçanti ka ardhur nga bashkëshortja e tij, Kristina Kuka.
Kristina, e cila preferon të jetë më e rezervuar në rrjetet sociale dhe rrallëherë shfaqet publikisht me reperin, ka ndarë një foto në Insta Story ku shfaqen të dy bashkë, krahas së cilës ka shkruar fjalët e ëmbla: “Happy Birthday, dashuria e jetës.”
Çifti janë bashkë që nga viti 2022, dhe ndonëse jetën e tyre personale e mbajnë kryesisht larg vëmendjes së publikut, herë pas here ndajnë momente të veçanta me ndjekësit. Kujtojmë që gjatë natës së ndërrimit të viteve, ata kanë publikuar një foto të bukur familjare së bashku me djalin e tyre.
Në anën tjetër, Cozman është rikthyer fuqishëm edhe në skenën muzikore. Pas një pauze, ai ka sjellë disa projekte të reja dhe është parë së fundmi duke performuar në një koncert së bashku me grupin Babastars, duke dëshmuar se është ende një emër i fuqishëm në skenën e hip-hopit shqiptar.
Duket se për Cozman, kjo është një periudhë e artë – plot suksese në karrierë dhe lumturi në jetën personale.
Ne i urojmë edhe shumë vite të tjera të suksesshme dhe të mbushura me dashuri! /Prive By Liberta Spahiu
