Një nga zërat më të veçantë të muzikës shqiptare, Armend Rexhepagiqi, është rikthyer në mënyrën më të denjë: me një album të ri që ngërthen në vete histori, emocione dhe përvojë artistike.
“Dashni e vjetër” është titulli i projektit më të ri muzikor që shënon një kapitull të rëndësishëm – 20 vjet bashkëpunim të suksesshëm me producentin e mirënjohur Darko Dimitrov.
Disa nga titujt që spikasin në këtë album janë: “Dyfish ma pak”, “Dashni e vjetër”, “Kutia e zezë”, “Krejt Prishtinën për ditëlindje”, “So dashni”, “Boll m’ke dalë” dhe “Ma ke nalë”.
Ky album nuk është thjesht një rikthim – është një kujtesë se muzika ka fuqi të mbajë gjallë kohën, ndjenjat dhe identitetin. Armend Rexhepagiqi na rikujtoi se çfarë është një artist i vërtetë: ai që di të ndiejë dhe të shprehë. /Prive By Liberta Spahiu
