Lidhja e drejtpërdrejtë e Dolce-s nga shtëpia e Grande Fratello (BB Italia) me studion dhe banorët e Big Brother VIP Kosova sonte ishte plot emocione, duke zbuluar mallin e madh të banores për Edin.
Dolce, e cila të hënën udhëtoi për në Itali si pjesë e shkëmbimit mes dy BB-ve, pranoi se po e ka të vështirë të shkëputet.
Gjatë bisedës, Dolce shprehu hapur se ndjehet e larguar nga atmosfera e shtëpisë italiane. “Unë jam këtu fizikisht, por më duhet ta them, mendja ime është diku tjetër, jo këtu në Grande Fratello,” u shpreh ajo. Duke vënë theksin te shkaku i vërtetë i shqetësimit të saj, ajo nënkuptoi qartë se i referohej Edinit.
Momenti kulmor ishte kur ajo pati mundësinë të komunikonte drejtpërdrejt me Edinin. Plot mall, ajo i tha: “Amore mio!” dhe shtoi duke iu drejtuar edhe banorëve të tjerë: “Më ka marrë malli, mezi pres të kthehem!” Ky rikthim i Dolce-s në Prishtinë pritet të ndodhë brenda pak ditësh, ndërsa tashmë është bërë e qartë se fokusi i saj kryesor mbetet historia e dashurisë që po jeton në BBVK. /Prive By Liberta Spahiu
