Pas bujës që shkaktoi deklarata e nënës së Brikenës në “Fan Club”, ka ardhur reagimi i parë nga familjarët e Mateos.
Përmes një postimi në rrjetet sociale, familja e konkurrentit ka zgjedhur të mbajë një qëndrim diplomatik dhe falënderues, duke u fokusuar te mbështetja për rrugëtimin e tyre brenda shtëpisë së Big Brother VIP Albania.
Mbështetja e hapur nga familja e Brikenës
Nëna e Brikenës befasoi opinionin publik me fjalët e saj pozitive, duke treguar një anë mjaft mirëkuptuese për raportin e vajzës së saj me Mateon.
“Mateo është shumë djalë i mirë, kam respekt. I urojmë shumë suksese. Nga ana jonë nuk ka asgjë. Jemi me Brikenën, çfarë të vendosë ajo, me atë jemi dhe ne,” u shpreh ajo.
Ky qëndrim u konsiderua si një “dritë jeshile” për raportin e tyre, i cili tashmë duket se ka bekimin e plotë familjar.
“Shkrihen akujt” pas katër vitesh
Kjo deklaratë ka shërbyer për të “shkrirë akujt” e së kaluarës. Megjithëse Mateo kishte rrëfyer brenda shtëpisë se vite më parë kishte hasur në kundërshtitë e babait dhe dajës së Brikenës, situata sot ka ndryshuar plotësisht. Qëndrimi aktual i familjes së saj tregon se ata tashmë ia kanë lënë në dorë vendimin plotësisht Brikenës, duke respektuar zgjedhjet e saj.
Reagimi i familjes së Mateos: “Gjuha e dashurisë”
Nga ana tjetër, familja e Mateos, përmes faqes së tij zyrtare në Instagram, ka vlerësuar maksimalisht edukatën dhe maturinë e treguar nga nëna e Brikenës. Ata theksuan se parësore për ta mbetet lumturia e djalit të tyre, duke shtuar se respektojnë çdo familje që zgjedh të komunikojë me gjuhën e dashurisë dhe jo me atë të paragjykimeve. /Prive By Liberta Spahiu
View this post on Instagram
