Tashmë nuk ka më vend për dyshime! Ajo që nisi si një “bombë” e lëshuar në rrjetet sociale nga personazhi viral “Menaxheri”, është konfirmuar plotësisht. Burime të sigurta pranë Prive By Liberta Spahiu bëjnë me dije se DJ Gimbo është banori më i ri që do t’i bashkohet kastit të Big Brother VIP Albania. Lajmi ka qarkulluar me shpejtësi marramendëse që nga dita e djeshme, kur “Menaxheri” e hodhi si hipotezë, por tashmë gjithçka është vulosur.
Hyrja e DJ-it të njohur të Gjestit vjen në një kontekst shumë interesant dhe të pashmangshëm për t’u krahasuar.
Ai do të shkelë në të njëjtin terren ku shoku i tij i ngushtë shënoi një rrugëtim historik, duke kaluar plot gjashtë muaj izolim total në dy formate të ndryshme (Kosovë dhe Shqipëri) dhe duke dalë fitues. Gimbo tashmë do të provojë të njëjtën shtëpi dhe të njëjtat rregulla loje.
Ndërkohë, pyetja që po ngrihet natyrshëm nga ndjekësit e formatit lidhet me mbështetjen e jashtme. Duke qenë se ai njihet si krahu i djathtë i Gjestit, mbetet enigma e madhe: A do të rreshtohen automatikisht fansat e shumtë të Gjestit pas tij për ta çuar drejt finales, apo Gimbo do të duhet të luftojë i vetëm për të krijuar identitetin e tij në lojë? /Prive By Liberta Spahiu
