Pas shumë zërave dhe aludimeve që kanë qarkulluar së fundmi nga ndjekësit, Doresa ka vendosur të reagojë publikisht dhe të sqarojë njëherë e mirë të vërtetën rreth marrëdhënies së saj me bashkëshortin.
Përmes një postimi të gjatë në gjuhën gjermane në Instastory, ajo i ka dhënë fund çdo dyshimi për një krizë të mundshme në çift.
Shkak i këtyre thashethemeve ishte bërë fakti që prej kohësh ajo nuk shihej me unazën e martesës në gisht. Megjithatë, Doresa sqaroi se arsyeja është krejtësisht praktike dhe lidhet me shtatzëninë e saj të fundit. “Gishtat e mi janë rritur në shtatzëninë e fundit dhe më duhet t’i zmadhoj të gjitha unazat, sepse asnjë nuk më bën më,” shpjegoi ajo, duke theksuar se aktualisht nuk mban asnjë unazë të vetme.
Më tej, ajo u ndal te marrëdhënia e saj 9-vjeçare, duke hedhur poshtë kategorikisht idenë e një “krize bashkëshortore”. Doresa u shpreh se ata nuk e kanë çuar asnjëherë ndërmend ndarjen, pasi për ta fjala “martesë” ka një peshë shumë të madhe. “Është çmenduri, por duhemi gjithnjë e më shumë dhe dashuria bëhet edhe më e fortë se në fillim… sidomos kur ke kaluar ditët më të këqija,” tregoi ajo e emocionuar.
Në mbyllje të postimit, Doresa i dedikoi fjalët më të ngrohta partnerit të saj, duke e quajtur atë mbështetësin më të madh në çdo hap të jetës. “Për ne nuk ekziston diçka si ‘krizë bashkëshortore’, inshallah përgjithmonë,” përfundoi ajo, duke rikonfirmuar se po jeton një martesë shumë harmonike dhe të mrekullueshme.
