Një reagim i papritur ka ardhur nga modelja Hailey Bieber, pas raportimeve se ajo kishte pëlqyer postimin e fejesës së Selena Gomez me producentin Benny Blanco. Përmes një deklarate të fundit, Hailey ka mohuar që ka qenë ajo që ka bërë ‘like’ në postimin e ish-të dashurës së burrit të saj, Justin Bieber.
Pas lajmit se Selena dhe Benny Blanco janë fejuar, rrjetet sociale u përmbushën me reagime, dhe një nga detajet që shkaktoi më shumë diskutime ishte pëlqimi i supozuar nga llogaria e Hailey-t. Kjo u interpretua nga disa si një gjest maturie dhe mbështetjeje ndaj Selenës, por gjithashtu nxiti spekulime mbi raportet mes tyre.
Megjithatë, modelja e njohur e ka mohuar këtë veprim, duke theksuar se nuk ka qenë ajo që ka pëlqyer postimin. “Nuk kam qenë unë që kam bërë like, dhe nuk e di si ka ndodhur kjo,” citohet të ketë thënë Hailey, sipas burimeve pranë saj.
Kjo deklaratë ka shkaktuar reagime të ndryshme në rrjetet sociale, me disa që spekulojnë se mund të ketë qenë një gabim teknik ose dikush që ka akses në llogarinë e saj. Të tjerë, megjithatë, e kanë marrë si një përpjekje për të shmangur përfoljet dhe dramat e vazhdueshme mes dy grave që kanë qenë shpesh në qendër të vëmendjes për shkak të lidhjes me Justin Bieber.
Selena Gomez, nga ana e saj, nuk ka reaguar ndaj këtij lajmi dhe duket se po shijon momentet e lumtura me të fejuarin e saj, Benny Blanco. Nga ana tjetër, Hailey Bieber vazhdon të jetë në qendër të vëmendjes mediatike për raportet e saj me Selenën, pavarësisht përpjekjeve për të shmangur konfliktet publike.
Nuk është hera e parë që Hailey dhe Selena përfshihen në spekulime të mediave dhe fansave. Megjithë se ato kanë shfaqur herë pas here një qasje pajtuese, ndjekësit vazhdojnë të analizojnë çdo veprim të tyre me imtësi. A do të ndalet së shpejti ky debat? Vetë koha do ta tregojë.
