Ferma VIP është gati të rikthehet me sezonin e saj të dytë, që starton zyrtarisht më 28 mars, nën moderimin e Luana Vjollcës dhe me premtimin për më shumë dramë, më shumë intriga dhe më shumë… baltë!
Dhe ndërsa publiku është ende në pritje të listës zyrtare, portalet kanë shpërthyer me emra që – nëse janë të vërtetë – e bëjnë këtë sezon më të zjarrtë se kurrë.
Emri më i bujshëm? Enca Haxhia. Këngëtarja që di të bëjë zhurmë si askush tjetër, thuhet se është gati të lë gjithçka nga jeta luksoze për çizmet e gomës dhe sfidat e fermës.
Ndërsa një tjetër surprizë është rikthimi i Feros. Ish-reperi, që ka kaluar një stuhi të vërtetë në jetën personale, po përflitet si pjesë e kastit — ndoshta për të rrëfyer, ndoshta për të provokuar, ndoshta për të fituar.
Big Basta, Olsi Bylyku, Frederik Ndoci, Alba Pollozhani dhe Elinara Shehu janë disa nga emrat që kanë përfunduar në listën e spekulimeve, dhe nëse vërtet bëhen pjesë e formatit, kjo nuk do jetë një fermë… do jetë një ring.
Por, ekskluzivisht nga Prive By Liberta Spahiu, vijnë edhe dy emrat nga Kosova të cilët sipas burimeve tona tashmë kanë nënshkruar kontratat për tu futur në natën e parë.
E para, është influencerja Nur Al Khazal. Ajo prej kohësh në intervista është shprehur gati për një format reality teksa kishte deklaruar që ka qenë në negociata për Big Brother VIP Kosova 3 por të cilat nuk shkuan siç priste.
Nur ka histori të forta personale dhe një karakter pak temperament që me shumë gjasë do t’i shërbejë lojës.
Në anën tjetër, pjesë e formatit do jetë edhe Ylli Dreshaj – influencer, model dhe figurë mjaft aktive në rrjetet sociale. Nisur nga intervistat që gjithnjë i bëhen virale, pritet që pjesëmarrja e Yllit të mos kalojë pa zhurmë.
Të dy janë gati të përballen me sfidat, dramat dhe lojërat e formatit – pa filtra.
Ferma VIP 2 është vetëm pak ditë larg – por loja duket se ka nisur që tani. /Prive By Liberta Spahiu
Albanian
English