Këngëtarja e njohur Ronela Hajati është rikthyer në qendër të vëmendjes së mediave rozë, por këtë herë jo për një projekt të ri muzikor.
Vetëm pak muaj më parë, Ronela ndau me publikun lumturinë e saj duke bërë publike lidhjen e dashurisë përmes disa fotove dhe videove krah partnerit. Megjithatë, siç duket, ato ditë të ëmbla mund t’i përkasin të shkuarës.
Këngëtarja ka fshirë çdo postim ku shfaqej me të, duke lënë vend për nënkuptime se çifti mund t’i ketë dhënë fund marrëdhënies ose po kalon një periudhë të vështirë.
Deri më tani, Ronela ka zgjedhur të heshtë dhe nuk ka bërë asnjë deklaratë publike për të sqaruar situatën apo arsyet e këtij veprimi. Mbetet të presim për të parë nëse ky është thjesht një moment kalimtar apo një ndarje përfundimtare për artisten. /Prive By Liberta Spahiu
