Një ngjarje e rëndë ka tronditur ditë më parë qytetin e Gjilanit, ku një vajzë 13-vjeçare është dhunuar fizikisht nga pesë bashkëmoshatare të saj.
Ngjarja ka ndodhur në një shtëpi të braktisur, ku vajza është rrahur në një bodrum.
Sipas pamjeve të publikuara, të cilat janë xhiruar nga vetë të dyshuarat, viktima shihet duke qarë dhe duke u lutur që ta lironin, duke përsëritur mbi dhjetë herë fjalinë: “Të lutem, më lironi”. Megjithatë, dhuna dhe talljet ndaj saj kanë vazhduar.
Gazetarja investigative Edona Gashi, nga emisioni “Piranjat”, vizitoi ditën e sotme vendin e ngjarjes dhe intervistoi viktimën.
“Përkundër dhunës fizike dhe psikologjike që ka përjetuar, vajza dukej e fortë, e çlirët dhe me pafajësinë e saj të ndritshme”, u shpreh Gashi.
Viktima tha se njërën prej vajzave e kishte konsideruar si motër dhe se nuk e kishte pritur kurrë një akt të tillë dhune.
“Ka qenë ditë me shi dhe nuk e kam besuar që dal. Ka ardhë një shoqe më ka thirrë edhe kishe kena me shku në shtëpi të saj. Më kanë kërcënu. Kanë me më therrë, kanë me më mytë. Ma kanë bo nëse një njeri i gjallë e merr vesh nuk ka me më ra mirë. Nuk më kanë dhënë shans me ikë. Nuk e kam prit që do më rrahin.” – tha ajo, duke shtuar se ndjehet e tradhtuar nga shoqet e saj. /Prive By Liberta Spahiu
