Mesa duket, videoja e mbrëmshme e Xheneta Fetahut ka bërë bujë të madhe pas ironizimit që ajo i bëri Gjestit dhe Eglit gjatë natës finales të Big Brother VIP Albania.
Ajo ka dy fjalë, siç thotë vetë, për “moralistët e leshit”, ku në postimin e saj shkruan kështu:
“Moralis të leshit, shumë prej jush edhe të ashtuquajtur. Po e shoh që qenkeni ‘prekë’ për një video krejt normale, ku ironizoj për diçka që dihet e është thënë edhe prej vetë protagonistëve.”
Ish-finalistja e Big Brother VIP Kosova 2 nuk ndalet me kaq, duke thënë se u ka dhënë material të bollshëm për të moralizuar.
Ajo ka edhe një pyetje për të gjithë ata që po e kritikojnë pas videos që “theu” internetin:
“Ku ishit ju kur, jo në një rast, por disa herë, në mënyrën më të poshtër të mundshme, u ofendova në moral dhe u preka në familje? Dhe vazhdoj të marr çdo ditë lloj-lloj kërcënimesh e komentesh të ndryshme përpara miliona shqiptarëve. Ku ishit ju për të më mbrojtur, të paktën përmes reagimeve, një femër që po shënjeshtrohej padrejtësisht? Ku ishit ju të botës së mediave kur një kolege e juaja vë gjëmim për një femër tjetër LIVE në televizion kombëtar?”
Kërkesa e fundit e Xhenetës është që, kur reagimet janë me dallime, më mirë është të heshtni dhe të mos ketë më standarde të dyfishta. Prive by Liberta Spahiu
