Loja e Big Brother VIP Kosova 4 po bëhet gjithnjë e më e ashpër, dhe Edi Kuçi duket se nuk e ka lënë asgjë në dorë të rastësisë. Ndërkohë që ai ndodhet brenda shtëpisë, “makineria” e tij mbështetëse jashtë ka ndezur motorët me një strategji të re.
Përmes llogarisë së tij zyrtare në Instagram (@cobrakuci), është njoftuar krijimi i një strukture të veçantë të quajtur “Shtabi Qendror”.
Në postimin që ka ngjallur reagime të shumta, bëhet e ditur se po kërkohen “mbështetësit elitarë” për të qenë pjesë e rrethit të ngushtë të strategjisë dhe për të marrë informacione ekskluzive mbi ecurinë e tij në lojë.
Hyrja në këtë grup “të përzgjedhurish” ka një kusht të panegociueshëm: Vota.
> “Më dërgoni me DM screenshot-in që keni votuar Edin këtë javë,” thuhet në njoftimin e bërë nga menaxhuesit e profilit të tij.
Ekskluziviteti është maksimal. Është bërë e qartë se “Shtabi Qendror” do të ketë vetëm 30 anëtarë. Për ata që arrijnë të bëhen pjesë e këtij formacioni, shpërblimi është simbolik por domethënës: një ‘Follow’ mbrapsht nga llogaria zyrtare e Edit.
Kjo lëvizje tregon se Edi Kuçi ka një bazë të fortë organizative jashtë, të gatshme për të luftuar “dhëmbë për dhëmbë” për qëndrimin e tij në shtëpi. /Prive By Liberta Spahiu
