Mbrëmjen e së dielës, modelja dhe aktorja Emily Ratajkowski u pa në New York City në shoqërinë e regjisor-it francez, Romain Gavras.
Dyshja u fotografua duke shëtitur nëpër rrugët e “Big Apple”, ku nuk munguan as momentet romantike.
Gavras shihej me dorën rreth belit të aktores, ndërsa ata ndaleshin disa herë për të shkëmbyer puthje në rrugë.
Për daljen e saj, EmRata kishte zgjedhur një pallto lëkure ngjyrë karamel me mëngë me push, të cilën e kishte lidhur mbi një bluzë me dekolte të rrumbullakët dhe pantallona të gjera të zeza. Look-un e kishte kompletuar me vëthë të artë dhe një çantë lëkure, ndërsa në këmbë mbante atlete bardh e zi të markës Puma.
Ndërkohë, Gavras kishte zgjedhur një stil më sportiv me një bluzë blu dhe pantallona joggers, të kombinuara me një këmishë krem dhe një pallto blu me astar me dizajn Glen plaid. Ai e kompletoi veshjen me një kapelë sportive dhe atlete të bardha.
Kujtojmë se regjisori i njohur francez më herët ka qenë në një lidhje me këngëtaren Dua Lipa në vitin 2023, e cila tani është fejuar me aktorin Callum Turner.
Nga ana tjetër, Ratajkowski ishte e martuar me producentin Sebastian Bear-McClard nga viti 2018 deri në kërkesën për divorc që bëri në vitin 2022. Ata kanë një djalë 4-vjeçar të quajtur Sly. Pas ndarjes, emri i saj është lidhur me disa figura të njohura si Pete Davidson dhe Harry Styles. /Prive By Liberta Spahiu
