Këngëtari i njohur, Ermal Fejzullahu, ka sot një arsye të madhe për të festuar pasi djali i tij i madh, Arti, mbush plot 18 vjeç.
Në këtë përvjetor jubilar që shënon kalimin në moshën e rritur, Ermali ka zgjedhur fjalët më të ëmbla për ta uruar të birin publikisht përmes një postimi në rrjetet sociale.
“Happy Birthday Artush edhe 100 te dua”, ka shkruar këngëtari krahas fotos së djalit, duke përcjellë gjithë dashurinë e një prindi krenar.
Përveç urimit emocional, ky 18-vjetor e gjen Artin me një dhuratë mjaft të veçantë dhe luksoze.
Kujtojmë që vetëm pak ditë më parë, Ermali është treguar mjaft dorëlëshuar duke i blerë të birit një makinë të tipit Golf 7 të vitit të fundit, një mjet që është mjaft i dëshiruar nga të rinjtë.
Kjo dhuratë vjen si një ogur i mirë për rrugëtimin e ri të Artit tashmë si një i rritur, i cili po rritet me hapat e babait të tij si një djalë me shumë stil dhe thjeshtësi.
Urojmë edhe 100 vite të lumtura për Artin! /Prive By Liberta Spahiu
