Modelja e njohur franceze, Thylane Blondeau, e cila vite më parë u bë virale dhe u cilësua si “vajza më e bukur në botë”, ka kurorëzuar dashurinë e saj me fejesë.
Ajo ka ndarë lajmin e gëzueshëm me miliona ndjekësit e saj në Instagram përmes një fotoje mjaft romantike gjatë pushimeve në Greqi. Në imazhin e publikuar, Thylane shfaqet duke treguar unazën e bukur të fejesës, ndërsa partneri i saj, Ben Attal, e puth në faqe.
“I thashë ‘Po’ shokut tim të ngushtë. Gëzuar për përgjithmonë,” – ka shkruar modelja krahas postimit të saj.
Lajmi i ëmbël ka sjellë reagime të menjëhershme nga fansat dhe miqtë e saj të famshëm. Personazhe të njohur si ish-Miss Universe, Iris Mittenaere, dhe grimierja Ali Andreea kanë vërshuar me urime në seksionin e komenteve, duke i uruar çiftit lumturi. /Prive By Liberta Spahiu
View this post on Instagram
