Ish-reperi i njohur, Fero, vazhdon përpjekjet ligjore për të fituar kujdestarinë e vajzës së tij, një çështje që prej kohësh ka qenë burim mosmarrëveshjesh mes tij dhe ish-partneres, Arbenita Ismajli.
I pakënaqur me ecurinë e deritanishme të procesit, Fero ka vendosur të bëjë një hap të ri në këtë betejë ligjore. Ai ka zyrtarizuar angazhimin e një avokateje të re, Bedrie Rexhepi, e cila tashmë do ta përfaqësojë në këtë rast delikat.
Përmes një postimi në Instagram, ai ka dhënë edhe një mesazh të drejtpërdrejtë, jo vetëm për ndjekësit, por edhe për Arbenitën:
“Nina, do shihemi së shpejti,” – ka shkruar ai, duke iu drejtuar vajzës së tij, e cila aktualisht jeton jashtë vendit nën kujdestarinë e nënës.
Kujtojmë se më herët, Fero kishte publikuar në rrjete sociale imazhe të Arbenitës me vajzën, të shoqëruara nga një mashkull tjetër, duke shprehur hapur mospajtimin me mënyrën se si po rritet vajza e tyre.
Mbetet të shihet se si do të zhvillohet më tej kjo betejë ligjore, tashmë me një emër të ri në ekipin e tij mbrojtës.
