Numërimi mbrapa ka nisur!
Vetëm 100 ditë na ndajnë nga Sunny Hill Festival, një nga ngjarjet më të mëdha dhe më të shumëpritura muzikore në rajon, që këtë vit pritet të kthehet edhe më energjik, më madhështor dhe më plot yje se kurrë më parë.
E themeluar nga këngëtarja shqiptare me famë botërore Dua Lipa dhe babai i saj, Dukagjin Lipa, festivali është shndërruar tashmë në një emër të fuqishëm që promovon kulturën, artin dhe turizmin në Kosovë, duke sjellë artistë të njohur ndërkombëtarë dhe vendas në një skenë unike që bashkon mijëra të rinj nga mbarë bota.
Edicionet e kaluara kanë sjellë emra të mëdhenj si Miley Cyrus, Calvin Harris, J Balvin, Action Bronson, dhe padyshim vetë Dua Lipa, duke e vendosur Prishtinën në hartën e festivaleve botërore.
100 ditë deri te momenti ku muzika, arti dhe dashuria për jetën bashkohen në një festë të paharrueshme – Sunny Hill Festival po vjen! /Prive By Liberta Spahiu
View this post on Instagram
