Fjolla Morina ka zgjedhur të shijojë ditët e verës në një vilë luksoze në zemër të Kosovës, por ajo që ka ngjallur më shumë kuriozitet është prania e një tjetër ylli të skenës – Genta Ismajli. Dy këngëtaret, të njohura jo vetëm për karrierën e suksesshme por edhe për miqësinë e tyre prej vitesh, janë bërë bashkë në këtë “arratisje” intime, larg syve të publikut dhe mediave.
Edhe pse arsyeja e këtij takimi mbetet mister, fansat dhe ndjekësit po aludojnë për një bashkëpunim të mundshëm artistik. A është kjo vila luksoze vendi ku po lind një hit i ri veror, apo thjesht një strehë për çaste relaksi mes mikeshash të vjetra?
Me shumë ndjekës në rrjetet sociale dhe një ndjeshmëri të lartë ndaj çdo detaji që postojnë, prania e Gentës pranë Fjollës nuk ka kaluar pa u vënë re. Të dyja janë treguar diskrete në postime, por “gjuha” e Instagram-it flet shumë: story të ndara nga i njëjti ambient, muzikë në sfond dhe një atmosferë që lë të kuptohet se diçka më shumë po ndodh pas kamerave.
A do të sjellë vera një rikthim të fuqishëm të dyshes në skenë apo thjesht po shijojnë frytet e një miqësie të sinqertë? Pritet të shihet, por një gjë është e sigurt – kur Fjolla dhe Genta bashkohen, gjithmonë ka diçka për t’u përfolur! /Prive By Liberta Spahiu
