Një histori prekëse ka dominuar rrjetet sociale, duke dëshmuar se dashuria për muzikën vërtet nuk njeh moshë.
Gjyshi 68- vjeçar i cili u bë viral në TikTok, është bërë qendra e vëmendjes pasi udhëtoi nga Shqipëria drejt Prishtinës, Kosovë, vetëm për të ndjekur live koncertin e idhullit të tij prej tashmë 13 vitesh, Alban Skënderaj.
Në një intervistë për MCN TV, fansi i moshuar, një adhurues i zjarrtë i Skënderajt prej më shumë se një dekade, shprehu emocionet e tij të thella:
“Këngët aq të pastërta sa të hyjnë thellë në shpirt,” tha ai, duke theksuar se ishte një kënaqësi dhe nder i madh për të që mori pjesë. Ai konfirmoi se kishte ardhur në Prishtinë vetëm e vetëm për të dëgjuar dhe ndjekur koncertin nga afër.
Ai shtoi se biletat për koncertin e mbajtur të shtunën në sallën “1 Tetori” në Prishtinë i ishin dhuruar personalisht nga vetë këngëtari Alban Skënderaj. Si dëshmi e pasionit të tij, ai ishte i pari që hyri në sallë atë mbrëmje.
Gjyshi u bë i njohur fillimisht në TikTok me një video ku shfaqej duke kënduar me pasion nën ritmin e këngës së Alban Skënderajt, “Obsesion”.
Videoja, e shpërndarë nga vetë ai, u shoqërua me një falënderim të thjeshtë, por domethënës: “Një spektakël i vërtetë. Faleminderit Alban Skënderaj”.
Reagimet e publikut ishin të menjëhershme dhe tepër pozitive. Mijëra përdorues të TikTok-ut u prekën nga ky moment i sinqertë.
Një koment viral: “A pajtohemi të gjithë se kjo është video me e bukur e ketyre diteve nga koncerti i Albanit???? Paq jete e gjallëri edhe për shumë vite o dritë!!”
Një tjetër koment përmbledhës: “Këtu merr kuptim shprehja, ‘robi plaket kur do vet’. Paç jetën e gjatë gjyshi!!!”
Kjo histori shërben si një dëshmi e gjallë e fuqisë së muzikës për të lidhur brezat dhe për të frymëzuar pasion, pavarësisht kohës dhe distancës. /Prive By Liberta Spahiu
View this post on Instagram
