Antonela Berisha ka befasuar ndjekësit me një postim të rrallë dhe emocional. Influencerja ka publikuar një foto të vjetër nga dokumenti i saj kur ishte vetëm 12 vjeç, duke rrëfyer pa filtra për transformimin, pasiguritë dhe ndërhyrjet estetike që ka bërë ndër vite.
“Publiku më njeh për atë që jam sot, por jo për atë që kam qenë dje. Nuk e bëj këtë postim për shantazhe apo për vëmendje, por për t’u treguar të gjitha vajzave që nuk duhet të kenë turp nga rruga e tyre,” shkruan ajo.
Në rrëfimin e saj, Antonela shprehet se gjatë viteve është ndier e paragjykuar vetëm pse është konsideruar “e bukur” dhe se shpesh kjo ka ndikuar negativisht në mënyrën si e shihte veten.
“Kam dëgjuar gjithmonë që jam e bukur sipas standardeve konvencionale, por kjo s’më ka bërë asnjëherë të ndjehem më e vlefshme. Kam punuar shumë me veten për ta kuptuar që vlera ime nuk është në pasqyrë,” shprehet ajo.
Në mënyrë të hapur, Antonela pranon edhe ndërhyrjet estetike që ka bërë:
“Personalisht kam bërë procedura jo të thella si rinoplastikë, otoplastikë, botox e filler – të gjitha në masën e duhur, për të përmirësuar veten dhe jo për t’u kthyer në dikë tjetër.”
Ajo e mbyll mesazhin me një apel për ndjekëset e saj:
“Të mos e matin vlerën me standardet e bukurisë që imponon rrjeti. Të guxojnë të jenë vetvetja. Bukuria e vërtetë është pa filtra.”
/Prive By Liberta Spahiu
View this post on Instagram
