Një grua 82-vjeçare nga Hangzhou, në Kinën Lindore, është bërë lajm pas një përpjekjeje ekstreme për të trajtuar dhimbjet e shpinës duke gëlltitur tetë bretkosa të gjalla.
Ajo vuante prej vitesh nga një disk i hernizuar dhe, pasi trajtimet nuk kishin sjellë përmirësim, zgjodhi një kurë popullore të pazakontë që besohej të qetësonte shtyllën kurrizore dhe të balanconte energjinë e trupit.
E nxitur nga të afërmit dhe njohurit që pretendonin se bretkosat e gjalla kishin veti pastruese, gruaja vendosi ta provonte këtë metodë.
Brenda dy ditëve, ajo gëlltiti tetë bretkosa: tre në ditën e parë dhe pesë në të dytën. Por shumë shpejt filloi të përjetonte dhimbje barku dhe nauze, dhe familjarët e çuan me urgjencë në spital.
Mjekët u tronditën kur mësuan çfarë kishte bërë. Analizat zbuluan dëmtime në sistemin tretës dhe një infeksion serioz nga parazitë, duke përfshirë sparganozën – një sëmundje e shkaktuar nga larvat e krimbit shiritor që mund të merret nga konsumimi i amfibëve të gjallë. Një mjek në spitalin e Hangzhou sqaroi:
“Gëlltitja e bretkosave ka dëmtuar sistemin tretës dhe ka sjellë parazitë në trup, përfshirë sparganumin.”
Ngjarja ka hapur debat mbi rreziqet e kurave tradicionale në zonat rurale. Mjekët paralajmërojnë qytetarët të mos ndjekin këshilla të pabazuara nga rrjetet sociale apo të afërm.
Raste të ngjashme janë raportuar edhe më parë: në 2015, një gruaje që hante bretkosa që fëmijë iu hoq një parazit 10 cm nga koka, ndërsa në 2018 një nënë u filmua duke i ushqyer fëmijën me pështjellues të gjallë.
Gruaja është trajtuar dhe ndodhet në fazë rikuperimi. Mjekët theksojnë: bretkosat, sado të gjalla të jenë, nuk kanë vend në trajtimet mjekësore. /Prive By Liberta Spahiu
