Reperi i njohur Azet ka njoftuar përmes llogarisë së tij në Instagram se është i detyruar të shtyjë turneun e planifikuar për muajin janar.
Përmes një mesazhi mjaft emocional, ai u shpreh se ky ishte një vendim shumë i vështirë për t’u shkruar, por pas shumë përpjekjesh deri në fund, ishte i pashmangshëm.
Artisti ka treguar se muajt e fundit kanë qenë ndër periudhat më të vështira të jetës së tij për arsye shëndetësore dhe familjare.
Azet u shpreh se këto vështirësi kanë lënë gjurmë tek ai dhe se nuk dëshiron të dalë para fansave në skenë duke u shtirur sikur çdo gjë është në rregull, kur në fakt nuk është.
Megjithatë, turneu nuk është anuluar, por është zhvendosur për në dhjetor të vitit 2026. Reperi njoftoi se biletat e blera tashmë do të mbeten të vlefshme për datat e reja në qytetet përkatëse. Për ata që e kanë të pamundur pjesëmarrjen në vitin 2026, ekziston mundësia e rimbursimit të parave në pikat ku janë blerë biletat.
Për t’i gëzuar disi fansat e tij, Azet njoftoi se ka shtuar një shfaqje të dytë në Köln, e cila do të përfshijë edhe “Meet & Greet”. Ai premtoi se do të kthehet më i fortë për t’u dhënë ndjekësve të tij shfaqjen që ata meritojnë, duke kërkuar pak kohë deri në rikthimin e tij.
Turneu i ri do të nisë më 8 dhjetor 2026 në Zürich dhe do të vijojë në qytete si Stuttgart, Köln, Frankfurt, Berlin, Hamburg dhe München. /Prive By Liberta Spahiu
View this post on Instagram
