Atmosfera para ndeshjes së sotme mes Kosovës dhe Suedisë në qytetin Gothenburg është ndezur që herët nga tifozët “Dardanët”.
Në rrugët e qytetit suedez, qindra shqiptarë janë mbledhur për të festuar me këngë e simbole kombëtare, duke krijuar një atmosferë që kujton Prishtinën në ditë feste.
Pamjet që po qarkullojnë në rrjete sociale tregojnë tifozët me flamuj të Kosovës dhe Shqipërisë, duke kënduar me shumë emocion këngën për heroin kombëtar Adem Jashari.
Me plis në kokë dhe me zemër plot krenari, dardanët i dhanë jehonë emrit të komandantit legjendar, duke e kthyer Gothenburgun në një skenë të vërtetë shqiptarie.
@ballkani.info Kënga për Adem Jasharin kumbon në Suedi nga dardanët para ndeshjes së sontme në Gotenburg 🇽🇰❤️
♬ original sound – Ballkani.info
Kjo atmosferë e zjarrtë vjen pak orë para përballjes së madhe që pritet të zhvillohet sonte mes Kosovës dhe Suedisë, një ndeshje që ka ngjallur interes të madh si në diasporë ashtu edhe në vend. /Prive By Liberta Spahiu
