Nëse menduat se aktorët tanë po mjaftohen vetëm me skenat vendore, Gresë Gashi sapo na dëshmoi të kundërtën. Aktorja e njohur nga trupa e Teatrit “Adriana” është në përfundim e sipër të një projekti që po e çon atë drejt një premiere ndërkombëtare, dhe këtë herë destinacioni është Bursa e Turqisë. Nuk bëhet fjalë për ndonjë rol të thjeshtë, por për një angazhim serioz në shfaqjen e re “9 Shpirtrat”, një komedi e errët që pritet të trazoje ujërat me tematikën e saj sociale.
Gresa nuk është vetëm në këtë rrugëtim. Ajo ka bashkuar forcat me regjisorin turk Ali Volkan Çetinkaya, duke krijuar një urë lidhëse mes artistëve kosovarë dhe atyre turq.
Provat po vlojnë në Kosovë dhe burimet thonë se kimie artistike mes ekipit është në nivelet e duhura. Për Gresën, e cila mban edhe peshën e rolit kryesor, ky nuk është thjesht një tjetër projekt në CV, por një moment kyç karriere që e vendos teatrin kosovar në një dritë të re ndërkombëtare.
Pas tapetit të kuq në Bursa, lajmi i mirë është se shfaqja do të aterojë edhe në Kosovë për publikun besnik, para se të nisë rrugëtimin nëpër festivale të tjera.
Është gjithmonë kënaqësi kur shohim emra vendorë që thyejnë kufijtë me punë konkrete dhe “9 Shpirtrat” duket se është pikërisht aseti që i duhej këtij sezoni kulturor. Na mbetet vetëm të presim datën e premierës dhe të shohim se çfarë ka gatuar ky bashkëpunim interesant. / Prive By Liberta Spahiu
