Kompania amerikane e.l.f. Beauty ka arritur marrëveshje për të blerë markën e njohur të kujdesit të lëkurës Rhode, të themeluar nga Hailey Bieber, për një shumë prej 1 miliard dollarësh.
Blerja përfshin 800 milionë dollarë në para dhe aksione, ndërsa 200 milionë të tjera janë të lidhura me objektiva të ardhshëm të performancës.
E lansuar në vitin 2022, Rhode ka gjeneruar 212 milionë dollarë shitje neto, duke u bërë një nga markat më me ndikim në treg falë angazhimit të drejtpërdrejtë të Bieber dhe pranisë së saj në rrjetet sociale.
Pas marrëveshjes, Hailey Bieber do të vazhdojë si drejtoreshë kreative dhe udhëheqëse e inovacionit, si dhe do të ketë rol këshillues strategjik për kompaninë.
CEO i e.l.f. Beauty, Tarang Amin, e quajti bashkëpunimin “martesë perfekte”, ndërsa Rhode do t’i bashkohet markave si Naturium, Keys Soulcare dhe Well People, që janë pjesë e portofolit të kompanisë.
Ky bashkim shënon një tjetër hap drejt ndërtimit të markave autentike, të udhëhequra nga themelues të përfshirë drejtpërdrejt në rritjen dhe zhvillimin e tyre. /Prive By Liberta Spahiu
