Jennie nga BLACKPINK dhe artistja me origjinë shqiptare me famë botërore Dua Lipa, kanë bashkuar forcat për të sjellë një duet së bashku.
‘Handlebars’ titullohet kënga që sollën dyshja, teksa të njëjtën e sollën me një videoklip unik, i cili lirshëm mund të themi se i tejkalon pritshmëritë me pamjet e tij vizuale mahnitëse.
Projekti rezultoi i suksesshëm që në orët e para të publikimit, derisa në më pak se 24 orë është klikuar afro 5 milionë herë në YouTube.
Fansat e të dyja artisteve kanë komplimentuar këtë bashkëpunim, duke e cilësuar atë si një nga duetet më ikonike të kohëve të fundit.
