Pas një periudhe mungese në ekran me projekte të reja, producenti i njohur Turjan Hysko (Turi) u rikthye me një format që synon të thyejë tabutë: “Kazerma”, një prodhim i cilësuar si “film reality show”.
Turi e ka prezantuar këtë projekt me bindjen se “do të ndryshojë rregullat e lojës” në kinematografinë shqiptare.
Premiera e ‘Kazermës’ u mbajt mbrëmjen e kaluar në Tiranë, duke mbledhur kastin dhe personalitete të shumta, ndërkohë që për publikun e gjerë filmi nis të shfaqet në kinema duke filluar nga sot (20 Nëntor).
View this post on Instagram
Pjesë e kastit yjor të “Kazerma” është edhe blogerja dhe influencuesja e njohur Hatixhe Brika, apo e njohur si Hati, e cila me këtë projekt shënon debutimin e saj në aktrim.
Në premierën e mbajtur mbrëmë, Hati tërhoqi të gjithë vëmendjen me paraqitjen e saj jashtëzakonisht elegante. Ajo kishte zgjedhur një fustan të gjatë dhe të ngushtë ngjyrë kafe çokollatë, i cili vinte në pah linjat e saj, kombinuar me një dizajn të theksuar në supe duke ruajtur kështu stilin e saj karakteristik.
Eleganca e Hatit në tapetin e kuq të premierës shërbeu si një tregues i fortë se Hati është gati të ndryshojë rregullat, jo vetëm si influencuese por edhe si aktore e re.
Kasti përfshin aktorë profesionistë dhe personazhe të njohur publikë si Rudina Dembacaj, Fjoralba Ponari, Gert Ferra, Jonida Shehu, Drini Zeqo, e të tjerë. /Prive By Liberta Spahiu
