Dy ditë më parë, u publikuan disa pamje nga JOQ Albania ku shihej makina BMW ngjyrë rozë e influenceres Hati e ngarkuar në një karrotrec. Këto pamje ngritën pyetje dhe u raportua gjerësisht se mjeti i saj luksoz me targën e personalizuar “NO PHO TO” mund të ishte sekuestruar nga autoritetet. Lajmi qarkulloi në disa media, duke lënë të kuptohej se influencerja po përballej me telashe.
Megjithatë, ka ardhur reagimi i drejtpërdrejtë nga vetë ajo. Përmes një videoje të publikuar në llogaritë e saj nga një garazh parkimi, Hati ka mohuar lajmet për konfiskimin e mjetit. Ajo shfaqet pranë BMW-së dhe me nota ironie pyet se të kujt ishte makina që u sekuestrua, pasi ajo vetë nuk ishte në dijeni të një gjëje të tillë. Më pas, ajo sqaron se automjeti është në duar të sigurta dhe se thjesht do ta çojë për ta larë, pasi ishte bërë pis.
Në fund të videos, Hati ka pasur edhe një mesazh për ata që i gëzohen lajmeve të tilla. Ajo u drejtohet hapur të gjithë “hejterave” që të mos u bëhet qejfi, pasi makina e saj nuk ka shkuar askund. Me këtë reagim, ajo i ka dhënë fund aludimeve të ditëve të fundit, duke vërtetuar se nuk ka pasur asnjë masë ndaj mjetit të saj. /Prive By Liberta Spahiu
